ASAP As Simple As Possible

营业中

休息中

今晚一行六人分了兩枱，到這裡食晚餐，叫左烤豬肋骨、烤牛扒（這兩款有Free Flow 薯條），烤豬肋骨表面充滿醬汁，肉質鬆軟，烤牛扒充滿炭燒香，生熟程度啱啱好，薯條熱呼呼的，系粗條而且仲係連皮嘅，仲可以添食，相當吾錯。西班牙海鮮飯，d海鮮都幾新鮮同埋幾豐富。日式咖喱牛肉滑旦飯，個汁甜甜地，d牛肉都幾淋，鍾意食日式野嘅，可以一試。甜點叫左兩款，日式軟餅拼紅豆抹茶雪糕，嗰日式軟餅有d似上海豆沙鍋餅，友人極之讚賞，但個人覺得有點怪，另一個系紅莓汁朱古力旦糕拼雲尼拿雪糕，旦糕質地厚實，配紅莓汁都幾夾。跟餐大大杯茶味濃嘅凍檸茶，滿足嘅一餐。