影片
更多
2023-07-22
409 浏览
平時食開銅鑼灣嗰間，啲嘢食好味。今日因為睇戲去咗附近尖沙咀呢間。提早訂位，嚟到呢度原來等電梯時間超長，唔係講笑，條隊有至少50人，等咗20分鐘。上到去職員話落去樓下6樓，咁樣就係惡夢嘅開始。原來6樓嘅嘢食，係由15樓嘅廚房做，做完之後再慢慢搭電梯送返落嚟。6樓係冇廚房，同埋係夾埋間日本餐廳一齊。我等電梯都等咗20分鐘，所以你可想而知啲餸菜送到落嚟係必定會凍。餸菜凍咗之餘，仲要同電梯滿晒嘅人一齊迫落嚟，諗起都細菌多多。叫咗個黃金蝦球，用咗15分鐘先送到落嚟。落到嚟成舊膠粉，又凍，仲要係唔係新鮮整嘅，食落去似返熱左10次。同職員講凍咗就拎入人哋嘅廚房微波爐。$228就係咁嘅quality。連埋$50嘅兩碗白飯，簡直係俾人昆，直頭當你係傻仔。跟住叫咗半隻片皮鴨，用咗50分鐘送落嚟。落到嚟估吓點樣？梗係要微波爐啦。仲有奇怪嘅係個盤係凍嘅，啲肉係室溫溫度，睇嚟微波爐得唔夠耐。跟住叫職員返熱，又走去隔離日本餐廳搵個微波爐先。微波爐得嚟，啲蒸粉皮梗係又凍啦。$208 又係一碟微波爐翻熱雪櫃嘅嘢食。根本呢間餐廳，廚房handle唔到，餸菜速度唔夠，食材唔新鮮，唔係即日整，就算煮餸又唔夠快，硬都要做，咪
提早訂位，嚟到呢度原來等電梯時間超長，唔係講笑，條隊有至少50人，等咗20分鐘。上到去職員話落去樓下6樓，咁樣就係惡夢嘅開始。
原來6樓嘅嘢食，係由15樓嘅廚房做，做完之後再慢慢搭電梯送返落嚟。6樓係冇廚房，同埋係夾埋間日本餐廳一齊。我等電梯都等咗20分鐘，所以你可想而知啲餸菜送到落嚟係必定會凍。餸菜凍咗之餘，仲要同電梯滿晒嘅人一齊迫落嚟，諗起都細菌多多。
叫咗個黃金蝦球，用咗15分鐘先送到落嚟。落到嚟成舊膠粉，又凍，仲要係唔係新鮮整嘅，食落去似返熱左10次。同職員講凍咗就拎入人哋嘅廚房微波爐。$228就係咁嘅quality。連埋$50嘅兩碗白飯，簡直係俾人昆，直頭當你係傻仔。
跟住叫咗半隻片皮鴨，用咗50分鐘送落嚟。落到嚟估吓點樣？梗係要微波爐啦。仲有奇怪嘅係個盤係凍嘅，啲肉係室溫溫度，睇嚟微波爐得唔夠耐。跟住叫職員返熱，又走去隔離日本餐廳搵個微波爐先。微波爐得嚟，啲蒸粉皮梗係又凍啦。$208 又係一碟微波爐翻熱雪櫃嘅嘢食。
根本呢間餐廳，廚房handle唔到，餸菜速度唔夠，食材唔新鮮，唔係即日整，就算煮餸又唔夠快，硬都要做，咪係咁嘅成績囉。咁厚面皮攞住個餐廳名，響度呃人哋嚟食。真係枉我幫襯左佢哋差唔多三年，呢一間真係敗壞晒佢哋嘅口碑。
同職員投訴，從佢哋嘅對答中都知道呢個情況已經收到太多投訴，對答流暢，話送多隻鴨俾我拎走，但係咁嘅quality，送多10隻微波爐鴨俾我，都唔會食。
最後例牌，都係會送個腰果露俾我。今次仲勁，微波爐溝水，真係低處未算低。呢一間係銅鑼灣嗰間standard 的3%。個廚師完全係imposter。冇辦法，對呢一間分行勁失望。
失望之如，仲要買咗佢哋套票，惠顧$1028。感覺繼續跳水式直插谷底。
最後又嬲，又肚餓，食咗啲微波爐嘢食又覺得嘔心，又等多10分鐘先搭到電梯落樓下。諗住開心去睇電影，提唔起勁之如，仲要收到張飯後甜品罰款單$320。真係一步錯步步錯，準時上菜食飯走都唔會抄牌，抄嘅時間係9:15pm。感覺直插谷底跳水無水花，仲勁過買股票gme!
真係最後，俾埋戲飛錢去睇Barbie，total 差唔多$2000。短短一個半鐘已經等於我飛去台灣來回一轉。
希望各位睇完呢篇文章唔好去呢間，尤其是6樓，免得你哋中伏。good luck
黃金蝦球
$228
2 浏览
0 赞好
0 留言
半隻片皮鴨
$208
7 浏览
0 赞好
0 留言
腰果露
2 浏览
0 赞好
0 留言
张贴
