今日係平日嘅1點鐘，其他海鮮酒家拍烏蠅，呢間餐廳係滿座狀態，需要等枱，非常巴閉
。我哋兩個人，嗌咗三樣嘢食，分別係蒸蠔餅，蒸魚，海鮮泡飯。三個餐都係跟飯跟熱飲。
蒸蠔餅$68
切開嘅流浮山蠔加葱加蛋汁落去蒸,超濃郁嘅薑蔥味，蠔好鮮甜，一啲都唔腥，蛋好少，滿滿的流浮山蠔，送飯一流！
蒸魚$48
見平平地，嗌條蒸魚加餸，
是日蒸魚有:䱽魚，三刀，細鱗
我哋揀咗三刀，冇乜味，魚肉小霉，可能呢種魚本身質地係咁，下次會揀返其他魚
海鮮泡飯
入面有切開嘅流浮山蠔，蝦，花甲，蟹，炸魚全部都係新鮮嘅，尤其花甲好鮮甜。呢個泡飯係全場相對多人食嘅，可能係因為一次可以食咁多種海鮮。
有下次:蒸蠔餅飯！！
(好似話冬天先有，唔好錯過呀)
下次都會想試吓網上好多人推薦嘅鼓汁蒸鱔飯
