開門即刻有靚女招呼, 非常有禮貌, 第一個感覺良好, 再睇下個餐牌見到個花膠椰子燉雞湯 $26 咁平, 心諗唔會好大碗, 咪住, 呢間唔係泰國餐廳咩, 點解有中湯既, 咁就要試下喇, 另外再叫個生菜包, 柚子沙律, 扎肉雞絲金邊粉, 冬蔭公海鮮粉絲
首先來左個花膠湯, 講真 $26 無咩要求, 但估唔到完全好入味, 好正, 絕對唔係味精湯, 有兩小塊花膠, 當然唔好要求會係好靚花膠先啦, 起碼做到足, 無欺場, 讚呀 !跟住個柚子沙律, 真係成碗都係柚子, 100 分 ! 泰式生菜包唔會太辣, 個人覺得岩岩好, 用生菜包住來食, 好野味 ! 扎肉雞絲金邊粉就好正常, 無咩驚喜 ! 反而敗筆既係冬蔭公海鮮粉絲, 唔應該叫粉絲做底, 因為粉絲真係太索 ......... 湯, 而且仲會一直發大, 呢個係我自己既錯誤, 又或者將粉絲同湯分開上會好 D , 海鮮係新鮮, 但最想飲係個冬蔭公湯, 結果係飲唔到, 下次再去都係要河粉, 又或者建議佢分湯上 ! 泰式凍檸茶沿用泰國紅茶, 呢個係自己比較喜歡既味道 !
埋單兩個人先係 $251, 超值 ! 所以話 666 唔一定係魔鬼, 可以係天使架 !
