柳氏家 (已結業)

柳氏家嚟到荃灣已經一段時間，之前一直都冇機會試到，今日朋友提議嚟呢度終於可以食到啦！

由於係午餐時間，我哋選擇咗一個60分鐘嘅午市套餐，每位$78

60分鐘嘅套餐，肉類冇得追加，而外邊嘅肉類海鮮都冇我地份，外邊我哋可以享用嘅就只有沙律吧，飲品，白飯同湯

我哋一行二人，就規定咗一定要叫同樣嘅雞，今次我哋叫嘅係四川麻辣風味炒雞，肉就係得咁多啦，裏面有菜同年糕配搭，再加埋冬粉白飯，一定讓你食飽飽咁走

麻辣風味就靠辣椒油嚟加辣，整體來講成碟餸不太麻辣

成個過程首先會比客人自己炒兩次，每次炒完一邊之後就等2分鐘再炒埋另一邊，然後就叫服務員呢，佢會幫你將其他配料落鍋炒，之後就可以起筷啦