蕉積妹 (已搬遷) 新店位置

五粒星以外想再畀多粒星佢！ 咁啱有事去葵涌，終於食到蕉積妹啦！16嚿，比其他味貴多兩蚊，煎餅上面有多4舊香蕉肉咁。餅係酥皮嘅，好脆但碎碎唔多，唔會食到成嘴都係餅裏面舊舊都有厚厚又軟淋嘅香蕉蓉餡，係外脆內軟嘅感覺呀 煎餅面頭同香蕉片面頭都有一層微燶嘅焦糖， 加上份量足嘅煉奶， 周圍仲有砂糖， 係甜上甜加甜！第一啖開始食就已經好滿足，莫講話香蕉片同煎餅一齊食了…超級正！ 價錢有一點點貴，不過學生同長者有優惠哦 向鍾意食甜嘢、甜品嘅人強力推薦！不過口味鍾意冇咁甜嘅人未必好啱有時間就去試下啦~📍 葵涌廣場1樓潮流廊