拉麵Jo (已結業)

係 非 常 惡 劣 既 經 驗我都知道舖仔細細，又新開業，好難可以一次過坐到八個人。所以拎飛果下，都好主動同舖頭講分2張都冇問題。唔知舖頭有冇做remark，但係睇佢地既服務咁主動，都相信會幫我地安排。等左二十分鐘，其實入左好多二人枱同三四人枱，中間張8-10人枱開始有人走。我一心以為，舖頭會安排我地逐步坐，又或者坐住4個先。結果等到遲過我地黎拎飛既四人組合都入囇，都等唔到任何安排。我地唯有主動去表示，我地明白人多好難安排，可唔可以分枱。餐廳話，除非我地兩個兩個坐，如果唔係好難安排。我問，咁4個人分兩張得唔得。餐廳又話，都好難安排到。咁頭先入果5張6張4人枱算咩？如果我冇入去問，係咪打算晾到我地唔等，自己走就當解決左？最後餐廳只係一句唔好意思就當解決左件事，4人枱都唔願offer。6人以上既人真係唔需要考慮呢間餐廳，再好食既拉麵你都唔會享用得到。又或者，大家學醒少少，一開始就分開攞飛啦。