ChaTraMue (已結業)

搭673喺怡和街落車，行一條後巷就可好快去到ChaTraMue，一於試下佢既泰奶茶有冇雄泰嗰啲咁正。舖頭有20幾個坐位，我地一路行去食野一路飲就冇坐低。今次揀既係傳統泰奶茶，加$5要埋班蘭珍珠，總共呢就$34。等咗大約5分鐘就有得飲，份量都幾大杯。但搞笑在支飲筒好短，平時飲奶茶冇乜問題，但要啜杯底啲珍珠就好辛苦，建議舖頭用啲長5cm到既飲筒，飲得舒服啲。講返杯奶茶，揀咗少甜所以甜度ok，啲斑蘭珍珠細細粒，都有淡淡斑蘭味，好煙韌，甚至可以話偏硬少少，同台式飲品嗰啲有啲唔同，值唔值得加就見人見智啦🤪🤪🤪備註：唔知係咪因為呢間真心傳統，啲甜度係螞蟻level，就算你平時喺泰國餐廳嗌開正常甜度，嚟呢度都揀少甜穩陣啲。