呢度嘅維他奶芝士系列超級好食，仲有燒蠔都係主打，推薦大家一定要試吓！📺 最正係呢度有英超波睇，啱晒啲波友一路食串燒一路睇波，仲可以訂位㗎！⚽🌟 午市加五毫子，就可以轉加加大勁量凍飲(1L)！超級抵飲～
〰️〰️〰️〰️〰️〰️〰️〰️〰️
🍜 唔L同沙嗲牛麵
🌟 年輕人捱世界，日日食沙嗲牛麵食到悶？呢度嘅沙嗲牛麵同出面唔同，自家研發重口味版本，沙嗲味濃到爆，牛肉又嫩滑，晚市$58就食到，絕對要試吓！
🦪 蒜蓉燒蠔 半打
🌟 蠔身飽滿，蒜蓉香氣撲鼻，燒得啱啱好，蠔肉鮮甜又多汁，絕對係必食之選！
🐷 厚豬五花肉
肥瘦均勻，燒到外皮脆脆哋，咬落去啖啖肉汁，好邪惡啊😈
👅 鹵水牛舌
牛舌滷得入味之餘又夠淋，底下有蘿蔔吸晒啲汁，個鹵水香好出，必點！
🍆 原條蒜香燒茄子
成條茄子鋪滿蒜蓉同香料，燒到軟綿綿，蒜香爆棚，好滿足～
🧀 維他奶芝士 免治雞肉條
雞肉條混入維他奶同芝士，口感滑溜又有奶香，好有創意～
🥒 維他奶芝士 翠玉瓜
清新嘅翠玉瓜配上濃郁維他奶芝士，出奇地夾，減低咗油膩感～
🐕 維他奶芝士 獅子狗
獅子狗燒到微微脆，加埋維他奶芝士，鹹甜交融，好過癮～
🫘 維他奶芝士 豆卜
豆卜吸盡醬汁，一咬落去維他奶芝士湧出嚟，滋味十足～
🍠 維他奶芝士 小甜薯
甜薯本身已經香甜，再加埋維他奶芝士，味道更加濃厚，好暖心～
🍡 維他奶芝士 芝士年糕
年糕外脆內軟，雙重芝士加持，拉絲效果一流，芝士控必試！
🐂 和牛炒飯
飯粒炒得乾身，和牛粒香濃唔韌，成個炒飯好有鑊氣，好滿足～
❄️ 維他奶奶凍紅豆冰
紅豆煮得綿密，加上維他奶奶，香甜冰凍，解膩一流～
🖤 維他奶奶凍黑芝麻冰
黑芝麻味濃郁，維他奶奶令口感更順滑，養生又美味～
🌶️ 沙嗲醬 | 泰式辣醬
兩款醬汁都自家調製，沙嗲香濃，辣醬醒胃，點串燒一流～
