阿爺燒鵝餐室 (已結業)

而家抗疫期間推出套餐，$58可揀一款燒味飯、加菜、加小食及飲品。午市晚市都有供應。我揀咗燒腩飯，燒腩皮好脆。而且燒肉肥瘦適中，份量估唔到都有咁多。超級抵食。小食揀咗麻辣鵝腎，夠爽口，麻味夠香。菜揀咗鵝汁菜心，菜唔錯，覺得幾好食。飲品揀咗凍檸茶，呢個餐真係超級抵食！另外，散叫咗乳豬拼燒鵝。乳豬皮亦都係卜卜脆。非常好食。燒鵝油又夠香。呢度最好嘅係全部新鮮熱辣辣，又平又抵食。不失為大圍燒味其中一個選擇。