臻一鮨 (已結業)

尖沙咀區搵到間抵食日本菜、上菜快，晚市都有經濟套餐。基本上餐廳全部都係卡位坐得幾舒服。我哋叫咗一啲壽司、卷物同烏冬一齊食。壽司叫咗大拖羅$48@、小柱軍艦$28、炙燒左口魚裙邊$20@ 。大拖羅幾厚身有少少油脂；小柱一粒粒配上沙律醬，小柱幾鮮味。左口魚裙邊火炙過後魚油突出。卷物揀咗吉列炸蝦卷🍤$68，新鮮炸起，一份有六件，幾香脆。主食揀咗和牛稻庭烏冬$128🍜牛肉好似肥牛咁幾香，烏冬煙煙韌韌，口感不錯。最後就到松葉蟹肉茶碗蒸$48@，落單即整，所以等大約15至20分鐘，夠晒熱辣辣，蛋嫩滑。食完個茶碗蒸，飲下茶。用餐時間大約55分鐘，店員話夠鐘交枱。好彩食物嚟得快，時間真係岩岩好。