呢個黑松露漢堡好吸引，賣相好靚，牛肉由店主每日新鮮打，好彈牙，夠香口！薯條夠脆，份量夠晒足料，食到好飽！
呢個天婦羅炸蝦卡邦尼意粉，比想像中好食！佢既炸蝦好香，脆粉唔會過厚。意粉好彈，唔會太稔身！汁夠多，食落好滑，而且有好香濃既蛋黃味，煙肉都好多！
我地仲叫左蕃茄牛舌意粉，汁好似羅宋湯既感覺，酸酸甜甜，夠惹味。配料夠多，都夠稔。牛舌真係好食到不得了，夠晒稔，係店主慢煮8小時，好西利。而且牛舌大大塊，完全唔會吝嗇。
我地叫左3杯飲品，有清新既檸檬梳打，好解渴。熱朱古力夠晒溫暖，甜甜的滋味。芒果熱情果紅茶，呢個配搭不錯，夠特別。
最後食埋雪米糍，美味開心的晚上。
