尖沙咀凱悅酒店咖啡廳

紀念日，上網訂枱有88折，5歲以下小童唔收錢，話哂係Hyatt group，就黎試試啦。座位都唔迫，野食算多，而家做緊龍蝦同海膽既主題。龍蝦就得一款，係即灼既，每次半隻，佢一轉灼10隻左右，冇哂就要等7分鐘左右。而海膽有軍艦，蒸蛋同雪糕3款。冷盤冇生蠔同龍蝦，所以今次我地主攻熱食，佢有另外一度係即燒肉食，有西冷，羊，魚同魷魚等等，唔使等好耐，水準都唔錯。特別既係有d野食佢地會打鼓去叫人即刻排隊，我地個晚有原條即開即切既油甘魚刺身同海膽雪糕，兩樣都唔錯。甜品選擇都唔少，老婆話有個蛋糕整得好靚，叫我影低。食飽飽埋單，連埋折都係$1270，絕對可以encore。