Top Blade Steak Lab (新城市廣場一期) (已結業)

星期五夜晚7點左右已經好多人等位，見到生意咁好一定要試下啦~餐廳空間不大，裝修比較簡約。可能因爲餐廳食客比較多，所以位置都好貼，基本上係枱痴住枱，坐得都幾逼下（同搭枱無乜分別）...waiter態度幾好，好快咁介紹咗招牌菜式，幫我地落埋all you can eat 嘅薯條。薯條好快就上咗，熱辣辣，非常香口，仲有淡淡黑松露味，值得推介！黎到梗係要試下招牌flat iron啦，揀咗5成熟。見到佢地主打嫩滑嘅flat iron部位，再加埋5成熟，諗住一定唔會出錯啦。估唔到牛扒竟然完全唔嫩滑，甚至可以話係韌，對個牛扒都幾失望。不過牛扒配嘅蒜又幾好食。同埋$150嘅份量係一定唔夠食的，得4、5塊肉，除非你喪食薯條，比多$50加多50%肉先勉强夠（加完都唔特別多）。以一塊200蚊嘅扒黎講，性價比都幾低下，加埋餐廳坐得又唔舒服，整體有待改進。