滿屋日本料理 (已結業)

內地客嚟到香港，今次到我做東⋯⋯諗來諗去都唔知食咩好，都係放題最化算，就揀咗依間銅鑼灣滿屋滿屋食過好多間，今次係第一次去銅鑼灣依間，D侍應非常好，我哋book咗七點，佢話可以食到九點半，真係唔錯👍🏻刺身方面有我最愛既大赤蝦，真係冇得輸😍三文魚腩、螺肉、甜蝦、鮑魚片都非常新鮮，熟食方面其實我比較少食，但都忍唔住食咗羊架、牛柳粒，同埋甜薯🍠最利害嘅係Hoegaarden🍺任飲，啱晒我報仇之用😆最後只係收我5個大人錢，小朋友未夠90cm高，所以免費，二百幾蚊一個人，可以招呼內地客真係好抵！