密甘 (已結業)

今日同朋友喺大圍呢間密甘食個麵。 餐牌分開唔同系列嘅飯同麵，我就揀左近期鐘情嘅麻辣湯麵，麵式選擇多，有手工麵、寬麵、薯粉、米粉、米線，仲有5個辣度，由最細嘅BB辣到最極端嘅小天堂辣！麻辣密甘牛肉湯米粉麵$48 麵底本身已經有腐皮、韭菜、菜脯、豬油渣幾款配料，朋友揀嘅撈撈系列牛肉手工麵$48，非常推薦+6配芫茜，同青瓜絲、芝麻、脆脆豆、糖心蛋等撈埋一齊風味十足。牛肉片份量足，油脂同肉嘅比例剛好。雞翼$38大大件，非常入味，表面灑上芝麻，底層仲有爽脆青瓜絲！