景逸軒 (已結業)

今日專登黎試$498雙龍盛宴，5百蚊竟然食到酒店4人餐，而且有龍蝦同龍躉食，cp值似不錯。先講太白醉鴿，係個有酒味既冷盤，唔夠bbq乳鴿討好。上湯龍蝦味道唔錯，而且算夠大隻，加埋伊麵底好食。功夫湯特別得黎，味道夠濃，飲完都唔口渴。龍躉送飯唔錯。最後楊枝甘露好清新，解油膩一流。我另外點左牛奶炒帶子同小炒皇。牛奶炒帶子好食，但好快膩。小炒皇鑊節夠，而且果仁好香口。服務方面，不停幫手換碟，而且招呼好好。服務費要12%，但食完就知值得俾！