影片
更多
2017-10-14
445 浏览
晚上經過餐廳門外，被佢點點藍色燈光吸引，停低睇左陣menu，$428有個2人餐加海鮮頭盤，門口個哥仔又好熱情推介，今晚就係呢度食dinner。生蠔海鮮凍盤，有:-新鮮即開生蠔X6-翡翠螺X2-紐西蘭青口X2-南非熟蝦X4後來問返店員，即開生蠔係法國來的，中型size，幾清甜。翡翠螺大隻爽口彈牙。是日餐湯:周打蜆肉湯，湯中除了有蜆肉，仲有甘荀粒同西芹粒，味道清淡。餐包係彼得包跟油醋汁，此種配撘少見。主菜之一:澳洲草飼肉眼扒配燒汁5成熟，生熟程度剛好，內裏肉汁豐富。伴碟的有香脆薯角，而且有我很喜歡加了油醋汁的火箭菜。主菜之二:香煎虎蝦冬蔭功意大利飯本來想揀帶子墨汁意大利飯，但哥仔三番四次推介冬蔭功意大利飯，盛情難卻。意大利飯有淡淡的酸辣冬陰公味，而椰奶味道香濃，酸酸甜甜，創意非常。餐茶/甜品二選一，咁我地就各一啦。水果茶用熱情果汁和菠蘿汁混製而成，內有己打碎的菠蘿粒粒，我很喜歡佢味道清新不太甜。甜品係朱古力mousse cake，細細件岩岩好，香濃朱古力味但唔會太膩太甜。埋單連加一$471，價格相宜。
生蠔海鮮凍盤，有:
-新鮮即開生蠔X6
-翡翠螺X2
-紐西蘭青口X2
-南非熟蝦X4
後來問返店員，即開生蠔係法國來的，中型size，幾清甜。翡翠螺大隻爽口彈牙。
是日餐湯:周打蜆肉湯，湯中除了有蜆肉，仲有甘荀粒同西芹粒，味道清淡。
餐包係彼得包跟油醋汁，此種配撘少見。
主菜之一:澳洲草飼肉眼扒配燒汁
5成熟，生熟程度剛好，內裏肉汁豐富。伴碟的有香脆薯角，而且有我很喜歡加了油醋汁的火箭菜。
主菜之二:香煎虎蝦冬蔭功意大利飯
本來想揀帶子墨汁意大利飯，但哥仔三番四次推介冬蔭功意大利飯，盛情難卻。
意大利飯有淡淡的酸辣冬陰公味，而椰奶味道香濃，酸酸甜甜，創意非常。
餐茶/甜品二選一，咁我地就各一啦。
水果茶用熱情果汁和菠蘿汁混製而成，內有己打碎的菠蘿粒粒，我很喜歡佢味道清新不太甜。
甜品係朱古力mousse cake，細細件岩岩好，香濃朱古力味但唔會太膩太甜。
埋單連加一$471，價格相宜。
张贴
