安柏娃 (已搬遷) 新店位置

突然想食泰國餐，同事推薦試呢一間，講到明午餐只需42蚊。（令我眼前一亮）冬蔭公粉絲，個湯唔會太酸同辣，飲落好開胃，加上粉絲吸左個湯，食唔停呢，以呢個價錢黎講好值。菠蘿炒飯附近2串串燒（雞同豬），炒飯好足料，除左有主角菠蘿、2塊青瓜，仲有提子乾，粟米青豆同紅羅白，視覺上顏色好豐富，食落唔會太油同口乾，充滿口感。唔好睇小送既串燒，雞肉夠滑，豬肉都爽口（唔點醬油食都覺得好味）2份午餐合共84蚊，包龍眼冰同青檸水，熱天去食唔係另外加錢真係份外透心涼。