The Coffee Academics (耀華街) (已結業)

呢度環境真係好休閒好舒服，可惜食物質素好一般，我俾盡120蚊一個人(連埋加一wo)!叫左兩個set，原本個set只可以叫是日例湯式沙律，但啲食物份量太少，只好求佢俾我加曬兩樣。好彩店員好人，俾我一次過加曬兩樣野。是日例湯磨菇湯唔太好味，個色水就夠曬啦，仲有大大粒一粒粒的磨菇。但係味道唔夠，既不香又不濃…，只係有個咸味，極不吸引。沙律又係麻麻…用生菜整，食完冇咩特別感覺。個磨菇pizza輕飄飄，一個女仔好細食都一定會飽，因為根本好似冇食過野咁。熱度都尚可，但偏向溫溫吞吞。塊皮都好脆下，仁芝士同磨菇比例有點失衡，有一片直頭得粒半磨菇，反而就有好多芝士。粉粉清清地、有幾種蔬菜。用香草同欖油煮過，都幾清新、素食者應該好鍾意食。雖然合格，但沒有出眾之處。甜品又是令人失望之作，得個樣…我叫左個焦糖咖啡蛋糕，食曬成件我都食唔到有丁點焦糖同咖啡味。成件餅只係甜，對我黎講完全係似朱古力多於焦糖咖啡蛋糕。