一郎 (已結業)

5郎君出現係尖沙咀一郎拉麵店，今日去會一會佢地先。咁5朗君係邊5郎君，就係黑、白、柴、赤加上而家限定君，各款都代表唔同既口味。朋友叫黑郎君，即係特制黑蒜拉麵。好香既蒜香味，朋友不停食密密食，肯定都唔錯。我就試限定，而家限定係黑松露口味😍。碗麵有好多黑松露片，同好多黑松露溶左係湯度，勁鐘意既我將湯飲唒。呢度拉麵既肉係用慢煮黑豚肉，個口味好嫩，店員簡單介紹，如果想個口感硬身啲可以浸係湯一陣先再食。我自己就鐘意食硬身少少。👍小食唐揚炸雞，外脆內超juicy。溫泉蛋冷豆腐， 好特色，一推開鋪面既木魚就見到溫泉蛋，同豆腐一齊食好正。呢度有啲日本特色飲品，試到靜岡蜜瓜梳打同抹茶可樂，真開心。呢度消費滿一百蚊就有得扭蛋一次，我扭到小食一客，聽到其他客扭到盲盒，另外又有免費拉麵，中獎機會都好高。