紅葉茶屋 (T.O.P This is Our Place) (已結業)

周末中午時段，竟然仲要排隊等位，皆因佢地點超方便，港鐵站一出就到，約朋友食飯短聚、吹水就至good。望入去，唔多覺有咩跟 "紅葉" 有關係的東西。等位期間，無玩手機，只係集中精神研究食咩好。五個人，揀咗4款嘢，合共5個餐: 海鮮四色茶漬飯 $99生薑燒豚肉定食 $79牛肉壽喜燒定食 $89 x 2照燒三文魚定食 $89【海鮮四色茶漬飯】四色海鮮即是3片三文魚、3隻蝦、魚籽和3片吞拿魚，外表新鮮，食落都係。份量就唔算多，勉強夠飽。【生薑燒豚肉定食】這份定食份量就夠喇，白飯係一大碗，燒豚肉都好多。豚肉厚肉炒得香，味道調得唔錯。附送的湯就比較淡。【牛肉壽喜燒定食】這個份量亦好足，燒鍋裡面有好多肥牛和豆腐，牛肉滑，豆腐就嘛嘛。【照燒三文魚定食】三文魚只得一塊，有點失望，不過，個照燒汁就幾好味。4款餐各有不足之處，投票結果係【生薑燒豚肉定食】微微勝出，其餘3款並列亞軍。