影片
更多
2012-09-10
227 浏览
浦和日本料理嘅「刺身和食火鍋放題」唔會限時限刻, 可以由6:30PM坐到10:30PM, 簡直係為我地嘅八卦飯局度身訂造!!! 最怕果D入座起2小時就要埋單嘅放題, 因為次次都會有人大遲到, 攪到好似唔夠時間食咁, 仲要攪到大家驚食唔切唔敢講o野, 趕頭趕命咁食...蟹籽沙律--叫咗幾轉, 每一轉都要催幾次攪好耐先到... 因為BB醬嘅原故, 好難會難食...蘆薈野菜沙律--都唔錯...枝豆--都OK鮮蕃茄沙律--好似話都OK...冷豆腐--食1件仔就夠, 冇咩味...白玉豚刺身(Mackerel)--口感好奇怪, 淋PAT PAT一團o野咁, 一D都唔似魚, 冇人肯再食第2塊...北寄貝刺身(Hokigai)--都幾新鮮爽口... 不過D冰好似未溶晒, 食到"索索"聲...三文魚刺身(Salmon)--都幾新鮮, 而且厚切, 大大舊, 好膩, 食一舊已經唔想再食...玻璃蝦刺身(Glass Shrimp)--冇味嘅... D肉都好似唔係太新鮮...唔知點解我地一人齊, 服務員就奉上刺身拼盤, 唔係我地自己根據自己嘅喜好而Order, 咁點算放題呀... 我地唔想浪費D白玉豚, 係服務
蟹籽沙律--叫咗幾轉, 每一轉都要催幾次攪好耐先到... 因為BB醬嘅原故, 好難會難食...蘆薈野菜沙律--都唔錯...
枝豆--都OK
鮮蕃茄沙律--好似話都OK...
冷豆腐--食1件仔就夠, 冇咩味...
白玉豚刺身(Mackerel)--口感好奇怪, 淋PAT PAT一團o野咁, 一D都唔似魚, 冇人肯再食第2塊...北寄貝刺身(Hokigai)--都幾新鮮爽口... 不過D冰好似未溶晒, 食到"索索"聲...
三文魚刺身(Salmon)--都幾新鮮, 而且厚切, 大大舊, 好膩, 食一舊已經唔想再食...
玻璃蝦刺身(Glass Shrimp)--冇味嘅... D肉都好似唔係太新鮮...
唔知點解我地一人齊, 服務員就奉上刺身拼盤, 唔係我地自己根據自己嘅喜好而Order, 咁點算放題呀... 我地唔想浪費D白玉豚, 係服務員夾硬放低...
同埋佢話刺身會自動出, 叫我地唔好再Order, 咁係咪只可以食一轉?!!
仲有... 放題餐牌話有吞拿魚刺身(Tuna), 八爪魚刺身(Octopus) , "魚立"魚刺身(Sea Bbream), 希靈魚刺身(Herring Fish)... 但係服務員又叫我地唔好再Order, 咁究竟呢幾種刺身係有定冇???
軟殼蟹手卷--塊紙菜都幾脆... 花之戀--三文魚又係厚身...
鵝肝多士--係脆, 不過撈埋D唔知咩, "讓"入個包度, 剩係睇個樣已經冇胃口, 食落口係要好集中精神先食到小小鵝肝味...
鹽燒鯖魚--好快比朋友幹掉...
芝士焗蠔--未掂到已經冇晒... 不過唔見朋友們再Order, 心照啦...
南瓜天婦羅, 蕃薯天婦羅--全餐比較好食嘅...燒雞翼--幾好味, 熱辣辣, 不過咁細隻, 究竟響邊樹入貨?!!
海老天婦羅--好油, 隻蝦又冇味...
炸餃子--都OK...
黃金花枝丸--都OK...
金菇牛肉卷--嘩, 好難食...
豬軟骨煮蘿蔔, 清酒煮蜆--冇食到, 又係唔見朋友們再Order...日式火鍋--唔知點解大家咁勇敢Order豬骨湯底... 不過一餐半餐, 應該冇事嘅... 配料有牛肉, 豬頸肉, 粟米, 津白, 鮮冬菇, 唐生菜, 金菇, 豆腐, 花枝丸, 葛絲--牛肉都OK... 葛絲好OK喎...
咖啡巴芙條--全餐最好味... 咖啡味好香好甜, 正呀... 食咗2 Round...雪糕糯米糍--朋友好好彩, 食到綠茶味, 其他都係Vanilla味...
香蕉天婦羅--好油...
我地仲有食其他野, 不過太濕星, 好難影相...
冇幫襯過壽司!!! 話明食放題, 冇理由食舊白飯落肚塞飽自己o架嘛...
飲品方面都係罐裝百事比較吸引, 因為夠凍... 香芒橙汁又唔好飲又唔凍... 梅酒太甜...
咁嘅價錢, 真係唔多抵!!! 根本就冇咩好味嘅o野食過落肚!!! 仲要我地坐係廚房出口(基本上係廚房嘅一部分), 嘈到不堪... 唔係見佢可以坐足4個鐘, 真係會火起...
张贴
