幸福四季椰子雞 (譽發廣場)

营业中

休息中

之前係網上見到知名藝人推介，所以嚟試下個4人餐，有椰子雞湯，1隻文昌雞，2款小食，2份牛肉，1份蝦滑，1份墨魚滑，1份即炸魚皮，1份肉丸，1份魚片（有龍躉片，脆鯇片及鱔片），1份韮菜餃，一酌自家煲雪梨茶，仲有甜品。椰子雞湯好清甜，即時放兩個椰子水入湯，加埋雞入去煲，飲左兩碗，好味。牛肉淥一淥就食得，爽不韌。蝦滑同墨魚滑彈牙，足料。最鍾意食即炸魚皮，夠熱夠大份，好鬼脆，我地4條友爭住食。韮菜餃自家包，皮薄韮菜多，漲卜卜，好可愛。龍躉片夠厚身，脆鯇片同鱔片夠薄但唔會散。牛肉花膠丸入面真係有花膠，女士靚靚恩物。佢地個雪梨水夠清甜，打邊爐飲一流。女經理服務一流，成日走嚟走去招呼各枱客人。refill雞湯夠快，個爐夠晒熱度快滾，仲要冇限時，冇人走嚟清晒我枱，等我地食得好寫意，慢慢傾偈都冇問題。會再嚟Encore。