拳王泰國餐廳 (已結業)

有單據：拳王既拳館喺銅鑼灣成日經過，但佢喺隔離既餐廳就真係未試過，今晚就帶爸媽去食泰菜。入到去裝潢都好有拳館感，設計都好有重量感。我地3人胃口唔大，於是就叫左個《拳王2人套餐 $638》，但絕對係3-4人份量：-細冬陰公-青木瓜沙律-泰式燒豬頸肉-泰式炒椰菜苗-泰式明爐蒸烏頭-泰式炒金邊粉-椰汁香芋西米糕另外叫左支啤酒 $38冬陰公辣度唔勁適合只食到微辣既我地。蝦大隻入味。青木瓜沙律帶小辣，酸酸辣辣有助開胃。燒豬頸肉外層燒到好香帶微脆，脂肪唔多且肉滑。炒椰菜苗幾爽口。明爐蒸烏頭幾大條，肉都幾滑而且有湯添加。炒金邊粉好大碟入味唔油膩。最後有2舊椰汁香芋西米糕作甜品。服務：有禮，但店員不足服務有點慢。