影片
更多
2010-06-26
17 浏览
寫寫下遊記都要停一停，因為今天是我同食家的38月天。為左慶祝我地去左佐敦既Hipot﹗呢間野好似都開左好耐，主打一人一爐火鍋，未試過0的咁新潮既野，今晚就等我地會會佢，點知真係食大o左﹗地方乾淨企理，燈火光鮮，雖然人多也未算迫狹，最緊要一樣野係冷氣充足﹗有獨立的調味醬料區，要什麼自己調配，我就當然係生蔥生蒜辣椒豉油，既香又帶得出食物的鮮味﹗來呢度就係為左玩一人一爐，呢度湯底很便宜，$19-$23不等，人多來唔洗十幾廿人圍住同一個爐，感覺都幾特別，愛試新野的朋友岩哂﹗不過諗諗下竟然我地兩個都想點同一個爐，心有靈犀，咁就一於一個爐更划算﹗點了雜菇螺頭湯底，入面螺頭就無喇，有0的金菇、雞肶菇及蔥等等，湯清甜不過其實可以再加多少少用料，菇夾起一人一箸已經變了一個清湯﹗份餐牌大到無人有，圖片影得靚靚仔仔，睇見就咩都想叫。牛有三款，先來一碟最貴的安格斯肥牛﹗$88色水都幾靚，肥瘦亦算勻稱呢﹗輕灼入口軟身得來有脂香，牛味亦算香濃，不過就片得薄得濟，口感同餘韻麻麻地﹗大家都知我地兩個牛魔王，之後再試佢$48的極品肥牛，呢隻反而個牛味仲突出，笨胖又笨了，早知食三碟極品牛啦﹗在開飯Print左個刺身優惠，
為左慶祝我地去左佐敦既Hipot﹗
呢間野好似都開左好耐，主打一人一爐火鍋，未試過0的咁新潮既野，今晚就等我地會會佢，點知真係食大o左﹗
地方乾淨企理，燈火光鮮，雖然人多也未算迫狹，最緊要一樣野係冷氣充足﹗
有獨立的調味醬料區，要什麼自己調配，我就當然係生蔥生蒜辣椒豉油，既香又帶得出食物的鮮味﹗
來呢度就係為左玩一人一爐，呢度湯底很便宜，$19-$23不等，人多來唔洗十幾廿人圍住同一個爐，感覺都幾特別，愛試新野的朋友岩哂﹗
不過諗諗下竟然我地兩個都想點同一個爐，心有靈犀，咁就一於一個爐更划算﹗
點了雜菇螺頭湯底，入面螺頭就無喇，有0的金菇、雞肶菇及蔥等等，湯清甜不過其實可以再加多少少用料，菇夾起一人一箸已經變了一個清湯﹗
份餐牌大到無人有，圖片影得靚靚仔仔，睇見就咩都想叫。
牛有三款，先來一碟最貴的安格斯肥牛﹗$88
色水都幾靚，肥瘦亦算勻稱呢﹗
輕灼入口軟身得來有脂香，牛味亦算香濃，不過就片得薄得濟，口感同餘韻麻麻地﹗
大家都知我地兩個牛魔王，之後再試佢$48的極品肥牛，呢隻反而個牛味仲突出，笨胖又笨了，早知食三碟極品牛啦﹗
在開飯Print左個刺身優惠，$28有夏日刺身拼盤﹗
都幾靚仔，五種刺身每樣兩件，岩哂二人胃口﹗
唔洗爭唔洗搶一樣有一片﹗
八爪魚鮮甜﹗
墨魚仔是最好吃的，夠軟又糯又滑，仲帶點點海水的鮮鹹香﹗
三文魚也不錯，夠厚切﹗
北寄貝同呢款唔記得叫咩的刺身就比較遜色。
三寶手打丸，每份三粒，我地要了兩份﹗
一份好似$10﹗睇落個賣相好似好靚仔喎﹗
豬肉丸最香，不是普通貨色。
反觀最有期望的蝦丸及墨魚，雖然夠哂彈牙不過味道太人工化，粉太多，是手打可惜用料卻遜色呢﹗
月天喎﹗
梗係啤啤佢啦﹗啤酒不貴，藍妹$12支。
亦有自助飲料，$12位任飲涼茶汽水等﹗
海蝦$28有六隻，仲郁架，中蝦來的，頭有羔，新鮮彈牙鮮甜，食家也讚好﹗
來呢度一定要玩呢個﹗手打o即o即魚麵﹗
$20吧，夠哂兩個人食﹗
食家玩得幾興奮.......
一支魚麵可以o即到兩轉咁既份量，夠食啦﹗
爽口，彈牙，魚味香濃，最緊要係佢中間加入左好多蟹籽，咬落卜卜聲的，香口無比，熱情推介﹗
這兒還有小菜，試了個鹽焗東風螺，呢個食法幾特別﹗$38﹗
鹹鹹地吊出螺的鮮味，送啤酒一流﹗
呢個帆立貝真搵笨，雖然係$18，不過同相片分別超大，細粒無肉，無味，灼完成粒豆豉咁，點食？
乾一杯慶祝我們的38月天﹗
由於叫得太多關係，最後埋單$350，食大了﹗
食物款式多，的的骰骰，每樣十幾廿蚊就有交易，岩哂0的鍾意試不同食物既人，不過如每樣都叫0的既話價錢會好似我地咁唔平﹗
食物味道都還可以，最緊要環境不錯，待應服務亦超有禮貌，一試無坊呢﹗
更多相:
http://hk.myblog.yahoo.com/smallsmalllin/article?mid=21287
张贴
