伊呂波燒肉 (已搬遷) 新店位置

伊呂波除咗尖沙咀店，係港島區係銅鑼灣亦有一間。不過個人覺得尖沙咀金馬倫道店比我較就脚。今次嚟食呢個$298 (52品) 放題，加埋一每位價錢$328。論裝修擺設，風格似日本傳統和式燒肉店。有日式tatami、亦有洋式檯。食物方面，牛既選擇有牛排肉、牛仔骨、薄切牛、牛腿三角肉、牛胸外膜、牛里脊肉、椒鹽牛舌、牛胃同牛大腸。豚肉有五花腩同豬頸肉。雞有雞翼同雞髀肉。海鮮有串燒響螺、紅蝦(1隻)、魷魚、花甲等。蔬菜有牛油菇、栗米、雞脾菇、南瓜、露筍同茄子。至於熟食方面，前菜有多種沙律、泡菜、紫菜、波菜等。另有飯團、汵麵、燒魚餅、豬手、天婦羅拼盤、芝士薯餅、炒菜、海鮮煎餅、炸雞肉，牛筋面等。湯就有疍花湯、海草湯同蔬菜湯。仲有一個比較特別而我亦比較喜歡既...就係西洋菜鍋！甜品當然係吾少得𡃤...係每人一球雪糕。食物質素還keep到！可是上菜速度就有啲慢！所以...90分鐘食燒肉嚟講其實比較急。有點趕頭趕命既感覺...