鉄人大盛 (已結業)

尖咀新開嘅鉄人大盛唔係一般外面嘅放題。因為$300幾就可以任食鐵板燒、刺身。仲可以睇到師傅放火鐵板表演限時2小時，任飲任食$328加一。鰻魚肉厚燒到焦香👍帶子彈牙鮮味👍羊架牛舌惹味👍 任飲櫃都幾吸引，有各款玉露、芒果汁、大樽裝忌廉溝鮮奶、仲有藍冰啤。哈根大師共5種口味。面豉湯蜆肉蜆肉都幾多隻，而且算係大蜆size!刺身好新鮮，帶子 赤貝 有頭甜蝦 三文魚腩必點👍檸檬魚塊食落有酸酸還有香草的調味。生薑豚肉燒和風口味，好像吉x家果種調味。鰻魚、帆立貝、牛舌全部都叫左兩round, 真係好好味。羊架肉稔少羶，不錯。仲有我最鍾意食嘅芝麻雞翼，香脆多汁。吉列蠔蠔味好重，唔會有腥味。最後輪到甜品時間，哈根大師分別有士多啤梨、雲呢拿、咖啡、朱古力、曲奇味。由於有選擇困難症嘅我哋決定每杯都拎1個share大家食。