臺樓 (已結業)

一人的下午茶，想放任自己，唔理爆瘡風險，就係想食想食煎炸野!

見到個沙律餐竟然可轉法蘭西多士，就去馬吧。

揀左生炸雞脾餐，拼西多士。

好大份，兩樣野都炸得好靚。隻雞脾大大隻，好夠味，仲要個皮好脆，啲雞脾肉又好嫩。個西多士，中間夾左粗粒花生醬，好香口又好咬口，正! 曾經去某大型快餐店，個西多士係得一層，即係炸厚方包，仲要係一次炸定一大批，真係難食到呢!!! 所以食西多都係去返茶仔食好，有夾芯又即炸，係咪咁話先?

$32大大份下午茶餐，足矣!