麺屋武蔵 (已結業)

試另1間拉麵店，個人認為尼間比霸嗎拉麵(請看之前既食評)既湯底好食d，冇咁鹹，湯底有3款可以揀，分別白(即豚骨)，赤(即辣)，黑(即濃骨)，3款材料(豚肉，豚角煮，叉燒)。同埋環境舒服好多，坐多陣都可以，侍應服務好。6點半到，已有4至5人，仍有空枱，之後陸續有人入座。有bar枱有卡位。叫左咖哩豚肉烏冬($78，黑豚角煮拉麵($79)，炸墨魚餅1大件(有6小件切好)(新出)。咖哩拉麵一上枱超香咖哩味，有隻流心蛋，不過霸嗎拉麵既流心蛋整得好食d。拉麵份量多，食到一半開始飽，豚肉唔會散，仲有d肥肉位，有5至6件，good。黑豚角煮拉麵既湯底就濃味，香豚骨味，同拉麵幾夾，唔會太鹹。炸墨魚餅有埋千島醬(？)，仲有檸檬，伴菜，加d檸檬汁好fresh。入面除左有墨魚，好特別仲有木耳，幾好咬。總體慢慢食都得，唔趕住交位，d材料睇落多過其他拉麵店。