影片
更多
2007-04-11
8 浏览
趁住長假期酒店又有package,再次留港消費促進香港經濟繁榮=p dinner buffet同以往有少少分別,今次已經無需用牌仔換食物,客人只需向廚師order各類食物就ok。粉葛赤小豆煲豬肉湯味道還可,可能為免有魚骨問題,呢個湯並無加魚同煲,所以欠缺少少鮮甜味道。熱盤:款式一般,只試左海南雞飯,雞肉被客人揀至體無完膚,幸好仲有幾件雞胸係度,加上甜甜黑豉油、蔥茸,總算味道ok。沙律、凍肉今次不感興趣;食左隻凍龍蝦仔,肉質幾爽只係味道自己不太接受。魚生一如以往排長龍,姐姐仍然每人大大碟,只係今次質素真係唔得,北寄貝size細細,三文魚睇落肥美但無乜味道,連豉油同wasabi都係.....反而戶外燒烤質素更好,勁食鐵板煎大蝦、扇貝、芝士焗帶子、串燒雞軟骨....最好味係燒羊扒,雖然無上次有汁有配菜,但自己就最鐘意!!另外天婦羅都幾好,除一般蔬菜、大蝦之外,連多春魚、軟殼蟹都有,新鮮炸起好香口!甜品方面質素一般,由於復活節關係,大部份蛋糕都以呢個節日做主題,造型方面極度吸引小朋友,所以甜品檯/朱古力噴泉前面永遠有一大群小朋友同家長,算吧....幸而仲有任食雪糕,自己要左杯咖啡雪糕,真好味
dinner buffet同以往有少少分別,今次已經無需用牌仔換食物,客人只需向廚師order各類食物就ok。
粉葛赤小豆煲豬肉湯味道還可,可能為免有魚骨問題,呢個湯並無加魚同煲,所以欠缺少少鮮甜味道。
熱盤:款式一般,只試左海南雞飯,雞肉被客人揀至體無完膚,幸好仲有幾件雞胸係度,加上甜甜黑豉油、蔥茸,總算味道ok。
沙律、凍肉今次不感興趣;食左隻凍龍蝦仔,肉質幾爽只係味道自己不太接受。
魚生一如以往排長龍,姐姐仍然每人大大碟,只係今次質素真係唔得,北寄貝size細細,三文魚睇落肥美但無乜味道,連豉油同wasabi都係.....
反而戶外燒烤質素更好,勁食鐵板煎大蝦、扇貝、芝士焗帶子、串燒雞軟骨....最好味係燒羊扒,雖然無上次有汁有配菜,但自己就最鐘意!!另外天婦羅都幾好,除一般蔬菜、大蝦之外,連多春魚、軟殼蟹都有,新鮮炸起好香口!
甜品方面質素一般,由於復活節關係,大部份蛋糕都以呢個節日做主題,造型方面極度吸引小朋友,所以甜品檯/朱古力噴泉前面永遠有一大群小朋友同家長,算吧....幸而仲有任食雪糕,自己要左杯咖啡雪糕,真好味!中式甜品以紅豆沙比合桃露較優勝,起碼有蓮子、百合多重口感。
最後以凍檸茶作結,味道普通,用作解油膩都算ok!只係size比以前細杯,駛唔駛咁呢??
***********************************************
早餐同以前都相距不大,不過減少左一d東南亞風味食物,現在都係一般中、西、日式早餐食物。
先黎一杯自助即磨咖啡,再加上熱牛奶,咖啡香氣不濃,但一定比壺裝好飲。
中式: 點心兩日款式質素不同,第一日以蝦餃比較好食,蝦餃皮夠煙un,燒賣好似公仔牌,連味道都似;第二日剛好相反,燒賣一望就知係新鮮貨色,豬肉有肉汁好食過魚翅餃。腸粉不吃也罷,無謂浪費quota!!蘿蔔糕煎完再蒸,欠缺香口口感,粉比蘿蔔多,所以糕身偏硬。新竹炒米粉的確用上幼身台灣米粉,口感超彈牙,加上九菜之類配菜同炒,味道好香!
西式:一般香腸、火腿、豬柳、煙肉之流,除左煙肉煎得太香脆之外,其他都不過不失。個人覺得全場最好食係即場炒蛋,兩位廚師姐姐炒蛋功夫一流,生熟度剛好,仍有蛋汁在內!!唯一不足係雞蛋唔夠蛋香而已。
泰式:即煮泰式湯河,同晚餐質素一樣但份量更多,泰式湯底加上生菜、芽菜,清清地都唔錯。
我地今次選擇坐室外,氣氛的確比室內好,尤其是早餐時段,清新空氣+優美環境+小鳥小貓陪伴食早餐,的確寫意。
服務方面都算水準不錯,收碟加水快之外,對客人問題都有求必應,連炒蛋廚師姐姐都有禮健談,令客人感覺愉快!
张贴
