三井日韓料理 (已結業)

上次試過三井的放題後，推薦俾不同的朋友，點之朋友話要試試，上網睇吓，嘩！！嘩！！原來近來SELL緊“蠔氣。蠔食”，268可90分鐘食蠔放題，加多3張花蟹，仲有刺身任食，真係有點兒那個。前菜四款，任叫任食，大家唔駛掙。即開即食生蠔，每隻份量不差，千期唔好用出面蠔吧的來比較，要比，就用平時4-500蚊的酒店自助餐啲蠔來比，60%的價錢，80至90%的享受，你明的。蠔的海水味不太重，唔腥，肉質有口感，無沙。燒蠔，自己動手，要幾成熟由你話時，再配上餐廳的醬料，1、2、3……幾分鐘後，見到蠔上的水滾起，醬料乾乾地，are you ready？蠔肉厚，大大隻，一隻、兩隻的不停送入口中，全晚食咗幾多隻？有時間數，不如用嚟燒好過喇！！燒蜆，新鮮，味甜，不用加任何醬料，就是最完美。燒日本紫薯仔、京蔥，紫薯仔燒完連皮食，甜甜的，再配上京蔥的味道，不錯的配搭。3張花蟹的刺身放題，有三文魚、吞拿魚、劍魚腩、中甜蝦、鯛魚、馬刀貝……共13種刺身，用料絕對冇hea你，好過你去買3蚊件壽司呀。怕唔飽的你，三井仲好用心幫你預備了蠔湯和蠔飯。