大圍合發雞粥 (已結業)

呢晚去完大酒店後，雖然夜了，但都要搵啖食，本來想去打冷，點知行到過去已經執左，無法啦，唯有過對面合發食小菜吧！得我地３個，很快便叫了３個餸，最起碼每碟都總啱一個人食吖，其實呢間的蠔仔粥都好食的，不過得３個人又唔想叫一大鍋，只好留待下次先食咯。想係大圍食小菜，質素都幾參差，合發已經算係物有所值架喇！① 油鹽水浸蜆 ($55) ② 茄子炆倉魚 ($75)③ 南乳粉絲什菜煲(走南乳) ($55) ④ 白飯 x 2 ($30)Total: $215① 油鹽水浸蜆：有冬瓜條、紅椒同蜆，蜆仔新鮮無沙，湯都幾鮮甜，與粉絲同食正！② 茄子炆倉魚：倉魚、茄子、蒜子都好入味， 倉魚大條唔賦腥，只係略嫌汁料油了點。③ 南乳粉絲什菜煲：呢個什菜煲好低食好豐富，有西蘭花、西洋菜、白菜仔、生菜、腐皮、魷魚、粉絲同草菇，我地都唔係南乳的，所以走南乳，湯底都幾甜，好夠味啦。④ 白飯：唔知佢個白飯幾錢碗？雖然飯味一般，不過大大碗好飽。