Gastrobox by Okapi Cafe (已結業)

今日原本諗住休半天假， 入西貢嘆個靚午餐， 順便四圍逛下。點知計劃趕不上變化， 呢兩日不停落大雨。而且今日忽然加插了工作行程，下午又要趕入科學園開會， 不過忙之前都要好好慶祝一下😊。今次搵到間英倫風嘅餐廳佈置典雅，置身其中，連自己都好似優雅左。中午到此一般都係點set。可惜一來我冇乜心水野， 二來難得入到嚟西貢咁遠， 就想食好啲啲。幸好餐廳可以點a la carte。於是我就揀左一份黑松露野菌忌廉湯、一份法式香草燒嫩羊仔鞍，再配一杯Ginger Ale。。。然後就開部電腦出嚟準備下午開會嘅野🤦🏻‍♀️。個黑松露野菌湯味道都幾濃郁，因為有忌廉所以特別滑，但都食到啖啖野菌幼粒。落單時店家已經提示過羊鞍要等耐啲， 不過我都唔急， 反正我要做野。剛做好份Agenda, 我嘅小羊鞍🐐就到喇。由於我要五成熟，所以羊鞍呈現嫩粉紅色， 見到就想食🤤🤤🤤。羊鞍肉質非常鮮嫩， 而且火候都恰到好處，完全冇血水，是剛好的五成熟😍😍😍。就連拌碟嘅配菜亦都好新鮮，而且種類多，唔會單調。本來想點甜品，但又怕太飽開會時會眼瞓，所以作罷，改點一杯double expresso 去點亮這個陰霾的一天吧！