佐楽 (已結業)

鍾意飲清酒就啱哂，多款清酒適合配搭不同美食當中有醬油香味及清香水果味我幾鍾意，仲有日本啤酒、果実酒、燒酌、威士忌汽水及茶，而9:30後只係$248咋，啱哂夜貓子酒鬼。食物方面有原條呼子魷魚刺身，新鮮亮澤鮮甜又彈牙吉列特上佐賀牛肩肉係黑毛和牛，外層炸漿薄脆，肩肉與雪花和牛脂味道濃郁肉質細嫩而炭燒三瀨雞頸肉用鐵板上，雞肉沒有醃過，食番本身原味再配上大量蔥蒜去食，肉汁滿滿又惹味。另外都推介水魚鍋及鱧魚鍋，湯底非常鮮甜會不停想追住飲，魚肉清甜爽口而圖中紅及綠2杯係「水魚血燒酌」「水魚膽汁燒酌」，補血強身男士恩物。仲有特式開胃前菜沙律、呼子魷魚天婦羅，佐賀水啫喱。