牛陣 (荃新天地) (已結業)

上個星期都食得頗清（幾乎都係蛋），天氣又顯著轉涼，星期五收咗工都差唔多九點，一支公返到荃灣，就諗住係附近搵邊爐食啦補充下脂肪同蛋白質😂叫左一個黑毛和牛90分鐘放題（柚子鹽湯底）。個人好比較清淡嘅湯底，湯底唔算鹹係 ok 既，但柚子味可以再加強少少。至於和牛...... （最遠個碟）估計應該係食過最瘦既和牛，反而豬肉都有返少少油脂，出名肥既牛脷都仲有牛味，值得 encore。結果第二輪既豬瘦番好多.......🙄反而任食吧嘅蔬菜吧就有驚喜。有港式邊爐既好朋友油麥菜到到超級食物嘅羽衣甘藍都有。小弟好貪心來來回回搬咗三到四次滿碟嘅羽衣甘藍。呢隻菜本身比較硬身，一開爐就先放定落去煮，煮到差唔多變黃既時候就夠軟最入味。一啖牛脷配一口菜實在係享受😛另外食夠$218有海鮮送，帶子同蠔都幾好食嘅。值得一讚嘅係呢間鋪嘅衛生好好，staff 手腳都好勤快。 如果下次再嚟食的話試下 $200 樓下既 plan 係可以既，不過今晚呢餐埋單要 $300 的話個人覺得有d overprice了🤪希望下次再黎食既時候會食到有靚油花既牛🤪