金暹邏泰國菜館 (已結業)

去過呢間泰國野响11:30am仲好多位，但近排挨近1:00pm便坐無虛席。食過佢嘅特價午餐---炒貴刃加飲品$27，雖然平過大家樂但將價就貨，分量跟味道都無驚喜。不過在另一次的幫襯，放棄飲品單叫了咸魚雞粒炒飯，發現真是別有洞天，及對此店印象完全改觀。來的是一碟分量頗多(兩位OL小姐們都夠吃)、熱騰騰和金黄香噴的炒飯，首先飯乾濕適中，毫不油膩，加上有足夠的雞粒及菜粒平衡，味濃而不滯，更精采是外脆內軟的咸香魚粒，令人再三回味，整体品質實是在很多大酒樓之上，絕不因小館子而欺場，都係只售$27一大碟(付普通清茶不加一)。以此炒飯技巧及素質十分滿分我打九分。