陸陸雞煲火鍋 (已結業)

父親節去食陸陸雞煲，其實唔係第一次食，之前做過一次推廣姓陸再加身份證有6字就1蚊一隻雞，食過唔錯所以父親節決定帶爸爸去食。去到見到又有推廣每位268套餐，睇過菜牌都唔錯，以下逐一介紹下。上菜次序為雞，海鮮，牛肉，丸類，午餐肉，蟹柳，響令，炸魚皮，魚片頭，菜類打頭陣係雞煲，半隻雞再加上醬汁 非常一流食完雞煲會幫你轉個栗米湯，有一隻龍蝦係入面之後有一個海鮮拼盤有蝦，魚，蠔，蜆，象物虴。龍蝦真係超正，好新鮮啖啖鮮味，其他海鮮都唔錯，唯獨魚真係超多骨，所以我都食唔到咩味一路掛住吐骨。食完海鮮到牛肉，牛肉非常濃味道，好味既丸類有3款 蝦丸，魚蛋，墨魚丸，全手打丸，不過味道一般般，而其他配菜都冇咩特別，係個湯開頭吸左海鮮味同牛肉味再打其他菜 ok既。總括黎講都唔錯 份量多得驚人 我2個大食既去都食唔哂。野飲叫左青檸同柑桔 超大杯。49蚊杯個人認為可以收平啲，配菜小啲因為真係食唔哂