平時日式放題就食得多，有齊晒香港，日式同泰式美食嘅放題比較少見，但瀛豐就做到
一開始我同朋友就點左一大盤刺身，刺身嘅款式選擇多，有珍寶赤蝦、三文魚、油甘魚，醬油吞拿魚等等，全部都好厚切，新鮮鮮味；另外我同朋友仲加多$148升級追加左極品海鮮拼盤同海膽帶子；海鮮拼盤有長腳蟹、鮑魚，魚子醬等等，份量同質素完全無揸流攤；海膽帶子隻隻都好肥美厚身，包住口感濃郁，鮮甜無腥味嘅海膽，大滿足
餐廳仲會送贈每位客人一盅蟲草花燉雞湯，燉湯真材實料，湯料有滿滿嘅蟲草花，瘦肉，桂圓，飲落口非常濃郁無味精
放題有超過180款美食，有刺身，壽司，卷物，炸物、手卷，沙律涼菜，燒物，泰式料理，甜品同飲品，每樣份量小巧，試多多款都唔怕食唔哂
個人認為除咗海鮮刺身同燉湯高質之外，佢地嘅炒金邊粉同鰻魚炒飯都好有水準，夠鑊氣之餘唔油膩
甜品方面有雪糕，雪條，布甸等等多種選擇
飲品方面酒精同非酒精飲品一應俱全
✨ 餐廳座位乾淨闊落，坐得舒服，加上職員上菜都收碟速度都好快，唔怕要食得好趕/食唔切
