影片
更多
2009-01-17
5 浏览
2009年1月2日(FRI)晚媽媽&細細佬去葵涌洗牙兼行街，屋企無飯食，所以媽媽叫我放工JOIN佢。一放工就走去搭MTR同人逼逼逼，逼到去葵涌之後，媽媽話要去荃灣千X店再行(無言)……………所以就即刻搭巴士過荃灣。大家都見肚餓，就邊行邊揀睇下食乜。經過眾安街，見到沙嗲王大大個牌，諗起之前朋友仔同我去食過，就建議媽媽去試下。地板︰集團式經營既連鎖餐廳，如果連最基本既地板裝修都做得唔好，就真係應該好好檢討。雖然地板係無乜特色，但係勝在簡單清潔，仲有D為左特式座位而設既高架地台，腳板可以感受到木造質地，又唔會太過凹凸不平，算唔錯︰)牆身︰好多俊男美女海盜爬下爬下，既配合內部裝璜既設計主題，又可以將裝修上既不足遮掩，一舉兩得，仲可以畀我呢D好奇心咁旺盛既人響等食既時候望下，絕對過癮 ^ ^檯櫈︰全店主要以木造檯櫈配合內部裝璜主題，因為店面面積頗大所以睇唔哂，有普通既座位、有四人馬車內籠設計既座住、有木造浴筒設計既座位等等，客少既時候，可以配合心情去揀想坐既位置︰)有人話沙嗲王設計古古怪怪、成間舖黑沉沉又有D核突海盜，坐都坐得唔舒服，但係我就覺得沙嗲王餐廳設計得幾特別，就因為特別，所以唔係人人都
媽媽&細細佬去葵涌洗牙兼行街，屋企無飯食，所以媽媽叫我放工JOIN佢。一放工就走去搭MTR同人逼逼逼，逼到去葵涌之後，媽媽話要去荃灣千X店再行(無言)……………
所以就即刻搭巴士過荃灣。
大家都見肚餓，就邊行邊揀睇下食乜。經過眾安街，見到沙嗲王大大個牌，諗起之前朋友仔同我去食過，就建議媽媽去試下。
地板︰集團式經營既連鎖餐廳，如果連最基本既地板裝修都做得唔好，就真係應該好好檢討。雖然地板係無乜特色，但係勝在簡單清潔，仲有D為左特式座位而設既高架地台，腳板可以感受到木造質地，又唔會太過凹凸不平，算唔錯︰)
牆身︰好多俊男美女海盜爬下爬下，既配合內部裝璜既設計主題，又可以將裝修上既不足遮掩，一舉兩得，仲可以畀我呢D好奇心咁旺盛既人響等食既時候望下，絕對過癮 ^ ^
檯櫈︰全店主要以木造檯櫈配合內部裝璜主題，因為店面面積頗大所以睇唔哂，有普通既座位、有四人馬車內籠設計既座住、有木造浴筒設計既座位等等，客少既時候，可以配合心情去揀想坐既位置︰)
有人話沙嗲王設計古古怪怪、成間舖黑沉沉又有D核突海盜，坐都坐得唔舒服，但係我就覺得沙嗲王餐廳設計得幾特別，就因為特別，所以唔係人人都接受到~
而且，從入門口第一眼就見到既金銀珠寶(雖然係假野)、大酒桶、坐響酒桶上面奸笑既男海盜、一手棒住個銀盤上面有D閃閃生輝既銀珠串既女海盜，到食店入面周圍都有既爬繩海盜，感覺都尚算統一，唔會離主題太遠，以一間面向街坊食客既餐廳黎講，算係唔錯︰)
是日菜式︰白咖喱豬扒飯、雞扒飯(唔記得正確名稱)、越南豬肉粉卷、蒜茸菠菜、芝士白汁焗餃子、芒果黑糯米、椰米西米露
白咖喱豬扒飯 $ 38 - 相信唔需要多講，只要去過沙嗲王、就知道佢既白咖喱名不虛傳。豬扒有三塊、2大1細，我&媽媽食大塊、細細佬食細塊~
雖然係帶有沙嗲感覺既咖喱，但係以所付出既價錢黎計，味道算係一流!! 豬扒無多餘既醃製，飯粒正常乾硬度適中，三者夾埋一齊、一個字︰勁
絕對有招牌菜應有既實力!!
雞扒飯(唔記得左正確名稱) $ 38 - 呢個飯係細細佬叫的，主要係佢食--雖然最終我&媽媽都有分一杯羮。
只得二塊雞扒，媽媽要一塊，細細佬非常唔識做地無分畀我=..=
所以我就只係食到D飯同埋配菜……都無乜深印像，算係不過不失正正常常既飯~
越南豬肉粉卷(4件) $ 22 - 媽媽想試既小食。粉皮包住豬肉、上面加肉碎&青蔥再淋 上用油炒過既豉油。
我地三個一致認為呢個好食!!
媽媽同細細佬唔食蔥，所以可能唔知 - D生蔥野性既味道衝破左油既厚重感覺~
粉皮、豬肉、肉碎、油、豉油，都係非常普通既野，用生蔥將佢地既味道配合埋一齊，呢道菜式好!!
不過~如果粉皮一差~~就影響好大lu (呢間粉皮做得唔錯︰D)
蒜茸菠菜 $ 22 - 係蒜茸同菠菜應有既味道~只要唔係故意落錯調味料想整到佢難食，基本上邊個炒都正!! (可能係因為呢個菜啱我地一家既胃口︰P)
芝士白汁焗餃子 $29 - 裡面有六隻餃子，然後成盤滿哂芝士，真係一D都唔吝嗇(=孤寒)~
細細佬鍾意牛奶製品既口味，所以雞扒飯有剩少少飯但又無哂配料既時候，佢就攞左D芝士汁配白飯食~
雖然咁樣配係古怪，但呢個芝士汁好味係毌容置疑既事。
連對牛奶製品無好感既媽媽都忍唔住要食D芝士汁XD
芒果黑糯米 $ 25︰我自己私用既品甜︰D 芒果係一種有得揀我都唔會食既生果，但係當日因為芒果既微酸同黑糯米既微甜，我ORDER左佢。
當日好好彩，芒果好新鮮!! 酸味配合甜味，DELICIOUS ~ !
不過因為太飽，所以仲剩返4份1碟黑糯米~
椰米西米露 $ 10 - 係獨食既細細佬私用既甜品，所以無緣品嚐。
當日心情算係平常，同開唔開心扯唔上關係，所以唔會因為情緒影響左食物既味道。
總括黎講，覺得沙嗲王大部份既菜式都設計得好保險，唔需要最TOP既材料都可以發揮到菜式應有既美味~ 當然遇到有海鮮既菜式，材料既要求會高好多~
以呢間餐廳本身既菜式數量、食物品質、環境品質、服務態度而言，每一樣都不過不失(雖然的確有D WAITRESS姐姐慢手慢腳又呆頭呆腦，但唔算嚴重)。
所以只要可以配合心情，同埋加上少少好彩，絕對可以用超值價錢響呢度食一餐令人非常滿意既飯餐!!
埋單照例送返類似萬X珠既薄荷糖、沙嗲王出品醬料細樽裝同COUPON ($ 10 X 2)~
有乜野好得過~~又食又拎︰P
完全係一般市民大眾街坊祈望既野~~所以話︰呢度係21世紀既街坊食府 !!
食好野千祈唔好揀呢度~但三五知已、一家大細坐坐傾傾食食，絕對係好選擇︰D
张贴