滾喜火鍋專門店 (已結業)

想食芝士雞煲，除咗某d出名嘅品牌餐廳，仲有其他選擇嘅。呢排天氣凍，食雞煲打邊爐就一流，我地揀嘅呢間滾喜，都有芝士雞煲食，而且仲要係任食！每位都只係200幾，仲要食到唔錯嘅牛肉都未炒香，淨係見到個賣相已經好吸引，兩款芝士滿滿咁灑面，等佢幾分鐘滾起之後就可以炒香佢，件件雞都係佈滿芝士仲要係拉絲。味道方面，呢間嘅雞係香口d，芝士味未算特濃，但佢特別在每舊雞都好似煎香過咁👍雞件未size唔算大件，但係任食wo！食多幾轉，乜都返黎啦老闆見我地食得咁滋味，話私人畀我地換個鍋試試經典嘅麻辣雞煲wo，我地揀小辣，啱啱好，佢除咗辣味，個花椒味都好出色，麻辣平衡得好好，雖然越食越辣，但越辣越上癮👍驚辣驚膩就去飲品櫃攞飲品啦，任飲唔嬲，除咗大路嘅汽水檸檬茶，呢度仲有竹蔗茅根畀大家下下火，咁就食幾多都唔怕啦！食咗雞煲，仲可以換煲打邊爐，湯底就係芫茜皮蛋湯，非常清甜。基本上大路嘅邊爐食材都有架喇，呢度200幾蚊都食到呢種品質嘅安格斯牛，仲要好厚身好夠牛味，真係性價比非常高