韓川

营业中

休息中

午餐嚟到旺角唔知食乜好，我哋就見到韓國嘢就入咗去食，你都食韓國嘢最重要梗係啲泡菜啦，呢間餐廳嘅泡菜係酸酸甜甜都好好味，我哋分別叫咗兩個石鍋飯，一個鰻魚一個肥牛，因為肥牛勁多塊，感覺上就抵食好多啦。見到啲留心蛋同泡菜都覺得好好味。另外我哋叫咗個韓國標準金蠔，佢呢個味道就係偏鹹嘅，味道都唔錯。我哋入嚟先見到有生蠔食，完全係一個小驚喜。再叫埋個韓國燒酒完全係好嘆。餐廳環境坐落都好舒服，夜晚慢慢食都係一個唔錯嘅選擇。