福元湯圓

营业中

休息中

福元湯圓 食完晚飯，諗住食埋個糖水就返歸，咁行開北角梗係去福元街食碗湯丸先走。 福元湯圓格局係普通小店，門外你會見到有一大袋薑，相信係用黎煮薑汁糖水用既。咁呢到主打當然係湯丸啦，但都有其他糖水例如西米露，涼粉等比大家選擇既。 咁我地就叫咗花生同芝麻湯圓。二十八蚊有五粒，湯丸size都幾大，而湯圓既外皮搓得好均勻，唔會一邊厚一邊薄。芝麻餡好幼滑，而且好濃芝麻香味，調味又唔會太甜，幾好食。花生餡就比較粗粒少少，有少少花生碎係入面，味道唔算好突出，芝麻會比較出色。 最後，佢個薑汁糖水薑味好夠，食落唔會太辣太嗆喉，糖水又唔會過甜，味道適中，唔錯。