五要素食堂 (已結業)

今日同朋友行得攰就打算是但入間餐應食野，見哩間都多野食揀，就同朋友入去食飯順便抖下。雖然都係好小事，不過我覺得有提供口罩袋都係一個加分位！ 我唔知食咩好，就揀左佢個人氣no.1黎食，試下睇下好唔好食。燒美國黑毛和牛飯（$88）一上到黎，份量都唔錯，仲有個湯送。個湯唔錯既，唔係普通既面鼓湯。食完個薯仔沙律，就正式食個主菜！d牛食落幾好食，同個醬配搭得幾好！而且d牛冇燒得太燶，味道啱啱好，唔會食到成口都係燶味。佢仲有一小塊檸檬一齊上，俾我可以調一調個味，令鮮味再出d ! 我自己覺得個飯都幾好食！宜家食完都覺得係尖沙咀既餐廳黎講上菜價錢份量同味道都ok! 值得再番黎食！