圓苑 (裝修中)

上次黎山林道食串燒已經發現到呢間中餐廳想試下，今日放工就同左爸媽黎食晚餐。3個人叫左3個小菜。芥菜咸豬骨煮沙蜆好大煲，勁多骨可以慢慢吮，靜係食呢個都飽好清，無乜油，呢排凍凍地飲返碗岩哂。西施白肉雞雞肉好滑嫩，就連雞胸都唔會如好鞋口。薑蔥蓉除左用黎點雞食，撈飯更加正😋！薑蔥魚雲煲娘親揀，平時係屋企比較少食魚頭。又係一味好好餸飯既小菜，魚頭半煎炸，好香口！薑蔥爆到好香好惹味，配飯一流！坐得都幾舒服，整體唔錯😊。