稻埕飯店 (V Point) (已結業)

銅鑼灣嘅午飯時間，呢間舖頭只有三成滿，但見到佢餐牌同埋裝修都幾好，所以都入去試吓。牛筋、牛肚同牛肉組成嘅三寶手工麵，係我食過湯底最膻嘅牛肉麵，其實佢嘅手工麵非常好食，好有咬口，係非常掛湯，每一條都充滿湯底嘅牛膻味，非常可惜。麵條食得出係手工制嘅，偏硬，所以好有咬口。牛肉煮得好林，非常口肉，湯底一樣好重膻味，比較好食嘅係紅蘿蔔同白蘿蔔。麻辣雞腎一啲都唔辣，而且雞腎一啲都唔爽，好似咬緊舊肉咁。台灣白苦瓜汁唔錯，少少甜，非常清新。柚子薑米水就相對普通，似係韓國嘅柚子蜜茶，一啲薑味都冇。