更多
2021-08-19
334 浏览
观塘高质餐厅有好多，而登堂嘅环境，食物质素，服务暂时都系属于中上水平的，个别服务员介绍餐饮食物做得唔错，更有酒侍推荐餐酒，如果想同朋友食一餐有质数啲西餐，登堂可以系你嘅其中一个选择。介绍返今晚呢我哋就order咗每人一个5 courses tasting menu($480)，三个前菜，一个pasta，一个 main。我就加咗Wine pair up($250)包4杯餐酒，好喇就等我讲下有的乜野食啦。法国生蚝 - 当日时推介嘅系white pearl，食开生蚝就一定识 white pearl，佢爽脆得嚟带海水味，加埋佢哋个带酸Sauce，鲜味得嚟又醒胃。la naine blanche 2018 - 成枝酒只系用葡萄之王 "Sauvignon"酿造，nutty同dry，配生蚝好夹。鱼子酱三文鱼他他 - 鱼子酱味唔系好出，系咸鲜嘅，但唔太明显，外围嘅白点系啲酸汁嚟嘅，我谂一来系摆盘靓啲二来系佢知啲caviar唔系靓货，想充撑一下啲食味咁，底层啲三文鱼他他就正常，摆嚟打卡系唔错嘅，但整道菜食味一般。香煎鸭肝伴带子 - 两者煎得生熟程度刚好，鸭肝外脆内嫩，size虽然较细，但食味浓郁又带咸香
法国生蚝 - 当日时推介嘅系white pearl，食开生蚝就一定识 white pearl，佢爽脆得嚟带海水味，加埋佢哋个带酸Sauce，鲜味得嚟又醒胃。
la naine blanche 2018 - 成枝酒只系用葡萄之王 "Sauvignon"酿造，nutty同dry，配生蚝好夹。
鱼子酱三文鱼他他 - 鱼子酱味唔系好出，系咸鲜嘅，但唔太明显，外围嘅白点系啲酸汁嚟嘅，我谂一来系摆盘靓啲二来系佢知啲caviar唔系靓货，想充撑一下啲食味咁，底层啲三文鱼他他就正常，摆嚟打卡系唔错嘅，但整道菜食味一般。
香煎鸭肝伴带子 - 两者煎得生熟程度刚好，鸭肝外脆内嫩，size虽然较细，但食味浓郁又带咸香，配佢个肝酱酸汁共吃绝品，带子生熟煎得都系刚好，前得嫩滑，来货明显都系好野嚟。不错吃呢。
七水 纯米吟酿 - 鸭肝就配依枝七水纯米吟酿，酒身米香带微酸，与鸭肝食味平衡又可中和油腻感，不错。
Mushroom Cappuccino - 用全Mushroom加cream打出来的餐汤，超浓郁的餐汤，份量得espressos咁多，但由于超浓郁所以咁嘅size已经足够。
sorbet - 食主食前会有一个清新啲雪笆俾你洗下条味蕾嘅，系一个菠萝味雪笆，唔太甜，作为一个食主菜前嘅小吃系唔错嘅。
Shrimps Orecchiette - 大虾猫耳朵拿波里汁，大虾煎得弹牙，猫耳朵烟靭得嚟食得到面粉香，但食得出唔系用最靓00号面粉整，因为佢烟靭得嚟带少少粉口，如果可以改善埋依个问题，成个pasta即刻滋味倍增，致于拿波里汁就唔太酸，食得出蕃茄酸甜味道，不错的。
Parma Ham Trofie - 波菜忌廉汁特飞面，波菜忌廉汁都系果啲味，但上面加咗啲咸蛋黄，食味即时丰富咗，配上个手工面不错吃，手工面好似狗仔粉咁，不过系烟靭十倍嘅狗仔粉啫，加埋啲什菌，成个pasta系充满著丰富嘅不同口感。好食呢。
Frecciarossa Pinot Nero Rosato Margherita 2020 - 透明浅玫瑰红色酒体，一落杯就闻到好香果味，但饮落就无乜味，只有淡淡的葡萄味，配味浓的忌廉汁及蛋黄，可以冲淡油腻感。
M5和牛(medium) - 有牛味，刚好medium，但唔够肥，不过M5就系唔够肥咖啦，哈哈~
宝云羊架 (medium well) - 生熟又刚好medium well㖞，扒炉厨师抵赞，面包糠、百里香、蒜茸好出，有肉汁，好食嘅。
Francesco Intorcia Heritage Marsala Superiore Rubino N.V. - 好甜，似Dessert wine多过餐酒，但与羊架又出奇咁夹㖞，食完羊架再饮杯酒即刻感觉到杯酒滑身咗好多。
香橙mocha - 搣碎个风干橙片捞埋一齐饮更为好饮呢。
埋单连加就$1395，其实系贵咗啲嘅，但其实食物有啲质数又唔洗点配点夹，想食餐fine dinner，登当会系一个唔错嘅选择呢。
题外话/补充资料：
有部份侍应啲态度麻麻(包括语气，动作及听觉)，但其中有二位系好专有礼，会尽力介推同讲解返公司食物同酒的detail，如果改善埋依点一定会令整体用餐体验加分呢。
(以上食记乃用户个人意见 , 并不代表OpenRice之观点。)
张贴
