大師傅粥品 (TKO Gateway西翼)

营业中

休息中

呢間開咗幾年嘅粥店第一次嚟，無記錯十幾年前成日去大角咀嗰間。係一間較傳統嘅連鎖粥店，無套餐無水吧，粥底唔錯，見我朋友係咁攪都無點化水。配粥點少得油條，唔熱但係都脆，唔係硬脆。煎堆好味。鹹肉粽，兩次喺連鎖粥店食嘅粽都唔好食，比上次好少少叫做有啲肉，無咁乾。叉燒腸粉，唔錯。齋腸粉，幾滑。生滾粉腸粥拼皮蛋半隻，皮蛋有啲流心，個粥味道唔重，又夠綿，粉腸夠淋。皮蛋瘦肉粥。黃沙豬膶粥，豬膶爽口，份量唔少，好味。