翔壽司 (已結業)

次次行過呢間壽司店都排長龍，今日特登下午2點時段嚟碰一碰運氣，終於可以入去試吓呢度嘅特色壽司。火炙壽司盛盒$98三文魚、帶子、左口魚邊、深海池魚、蟹柳，及鰻魚手卷。由於想試一啲熟悉刺身，呢個火炙就係最好嘅選擇，一個套餐有晒五款可以是，每件壽司都做得好靚，而且睇得出刺身本身非常新鮮，顏色非常有光澤。壽司飯亦做得非常細緻，儲嘅酸味調校得剛好，而且米嘅質地煮得己有咬口，口感一流，令到壽司整體嘅口感非常有層次。翔特選壽司盛盒$138牡丹蝦、深海池魚、中吞拿魚腩、赤身、三文魚子軍艦、鰻魚手卷。呢個特選壽司盛盒，就可以試晒最精彩嘅刺身，牡丹蝦非常爽甜，吞拿魚腩入口即溶，而且鮮味喺口入邊揮之不去，真係令人難忘。