炎天丼 (已結業)

呢間餐廳本身喺大埔食開，但之後無啦啦執咗，最近先知原來佢喺旺角開咗新鋪，梗係要黎試吓佢水準啦🤪呢度嘅天婦羅全部都係即叫即炸，所以要等一陣，飯上枱時熱辣辣，餐廳仲提供左ふりかけ同特製醬油俾你撈飯，唔會話淨係食天婦羅同白飯好似好齋咁😋 每個飯除咗有海鮮天婦羅之外，仲有好多蔬菜天婦羅，本身我最鍾意食嘅係呢度嘅菜心天婦羅，果然再食返都係一樣咁好食🤩 另外佢仲有一個特色，就係有糖心蛋天婦羅，我人生第一次食糖心蛋天婦羅就係喺呢度😂 師傅火候控制得啱啱好，脆漿脆卜卜之餘，糖心蛋仍然保持到流心👍🏻 個人來講，我鍾意呢度嘅配菜，例如菜心同糖心蛋多過主角😂 如果有機會一定會再黎🥰